世界各地姜糖齊迎LAVA - 海外姜糖分享心情
- Ming CHU
- 2025年12月12日
- 讀畢需時 14 分鐘
已更新：2025年12月15日
踏入 12 月，全球姜糖的情緒明顯升溫——期待已久的《姜濤 2025 LAVA 演唱會》正式進入倒數階段。部分海外粉絲早已按耐不住興奮心情，搶先飛抵香港；更多粉絲也正陸續啟程，準備親身參與這場年度矚目盛事。
不少姜糖更表示，這次誓要「全勤」參與九場演出，不願錯過姜濤任何一刻的精彩亮相。在演唱會即將揭幕之際，粉絲們的心情交織著期待、緊張與激動——究竟姜濤會以什麼樣的舞台突破與驚喜回應大家的支持？所有人都已迫不及待想在現場見證。
以下是多位海外姜糖分享他們此行的心情與對演唱會的期待：
Keung_uk - 蘇格蘭
我係蘇格蘭嘅姜糖。自從知道姜姜12月開演唱會， 心裏十分糾結，因為能夠返香港的日子不多，而四月已經返咗嚟， 心裏面都打定輸數12月返唔到嚟睇姜濤嘅solo。
但係期間一直想返來。 雖然覺得冇可能， 但又心思思。 我試過問chatgpt應該12月返黎睇solo定係出年430返黎去姜濤灣。 佢竟然畀咗一個令我感動得流淚的答案：
“姜濤灣如果冇你雖然會遺憾， 但如果你錯過了演唱會， 你內心會更後悔。 你已經為姜濤付出了好多年， 今次揀一次為你自己。
你值得坐喺演唱會現場， 親耳聽佢唱＜Dear my friend>, 親眼見佢跳＜濤＞。 你唔係背棄應援， 而係讓自己完成一個夢。”
因為呢個咁感動嘅AI答案，我開始密謀返港。
窮糖返港睇solo的我竟然得到姜admin 親自勸我不要委屈自己。 真的甚麼也值得。
我獨個帶著病患的孩子，經歷約20小時不能睡的機程，付上了對我來說很多的錢買了演唱會入場券。 這一趟，我傾盡全力，為的就是像chatgpt所說的，讓自己完成一個夢。
最後，真的很多謝姜濤在這個世界出現。他給了無力的我，有力繼續行下去。
ramen_mother - 荷蘭
我是居住在荷蘭的， 但不敢稱呼自己做糖， 雖然我從2019年開始聽到姜濤的名字， 直至2021 才知姜濤長什麼樣子。
我今年5月才返過香港， 當時有幸看到 “On a sunny day” 在地鐵香港站的長牆廣告， 感覺很開心， 是我第一次親眼看到現場及打咭！ 當時好像還沒確定是不是會真的會有 solo, 還記得後來阿姜確認了在12月但未知幾號，很多海外糖都很迫切要知道日期才能訂機票。 我當時也很尤疑， 因為我5月才回過香港， 8月又家庭出遊去了日本， 所以不知道要不要再回來。
直到公售前一星期， 我在想， 我從未出籍過姜濤的所有活動， 一件應援也沒有， 每次看fan cam 都只有羨慕。 上次的solo con 完美錯過了， 我同自己講點都要去一次姜濤的演唱會吧！ 但我又唔識點買飛， 所以問了在香港的親人， 但又真係肯幫我買喎！ 咁第一次當然冇咁好彩啦， 買咗個經驗！ 我都打消左念頭。 點知真係有加場， 而我親戚又話今次有信心知道點樣可以買到飛， 咁我就大安旨意 等佢好消息！
所以嗰日知道佢真係買到 我真係好開心， 人生第一次開心到原地跑圈！同埋 send 短訊比我恩人大聲講 I lava you!!
當晚就即刻訂了機票， 為咗平D重專程去比利時上機 真係過千山過千海 越過千萬人。
很感激我老公知道我鐘意阿姜， 又唔介意我返去睇concert。
我沒有阿姜的所有產品 T恤， 我今次返去好希望可以買到Hello Kitty x baby Keung To 公仔。
我最期待嘅係佢會有咩驚喜俾我， 我對佢表演有信心 (我老公都問過我 如果個演唱會唔好睇 你會點？） 我答佢話冇可能唔好睇 我只擔心夠唔夠喉！
仲有一個小插曲 我一心諗住自己一個入場的 因為我身邊一個鐘意姜的人都沒有！點知我親戚幫我買咗兩連 所以而家我會帶埋兩個街外人 （即我兩個親戚）去😅。
Jocelyn W - UK
'Prioritise yourself and your family' Keung told his fans. I listened. I'm a UK Keung candy. My siblings live in different continents and haven't had a reunion for more than 10 years.
Early this year we agreed to gather in the U.S. this Christmas. A bolt from the blue, KT announced his Dec concerts. There's speculation to the dates but due to work nature, I didn't think I would make it.
However when the dates were finally released, I couldn't help but feel I MUST go. But how? When there's a will, there's a way! Arriving HK on Dec 20 and departing two days after! Luckily, I managed to secure tickets for two shows without hiccups.
I thought I was insane for flying to HK last December for 5 days to vote for 𠮟吒我最喜愛曲，this trip certainly tops it! Since KT entered my life, impossible becomes possible. The sky is the limit!
Do I have any expectation? No. I trust KT will bring us remarkable, superb performances. He owns the stage; he is the stage.
chloe_so311 - 澳州
我係Sydney學生糖。本身都有keep住返香港。
本來都有啲猶疑會唔會去concert 但係上次買唔到飛所以就今次立定決心一定要買到飛。
今次冇人幫我買飛 有買到心水日子但買唔到心水位置 Block A Row A。買飛當時是Sydney 11:15pm都算Easy。我會睇3場。買咗T-shirt 但唔打算買手燈。
嘉賓方面，希望佢請林家謙/Ian
家謙：合唱《好得太過份》
Ian:合唱《抱抱大熊貓》or《給千億顆星選中的二人》。
Luckygirl500 - 马来西亚
自从知晓姜涛今年会办演唱会又惊又喜。－直都很期待。随着最终确认十二月份的演唱会，都已很兴奋的准备购买演唱会票的攻略。
购票当天特地请假就为专心买票，当成功要付费时已不能相信能顺利买到。
看一场罢了？那儿够喉，陆续也买了首场，也很幸运被FC抽到买票，如今可以看到3场已很感恩。
香港场是最不能错过的。
曾经做了最坏的打算，如买不到香港场，那就要去英国或澳洲了。
现时都是在倒数的阶段，姜，姜家人们约定你，到时见！加油💪🏻
Chasing_views_with_kt - 加拿大 （Vancouver)
我係溫哥華加拿大🍬，真係好耐好耐冇返過香港,有10年咁多 ☺️。
我嘅人生 bucket list 好長，有好多嘢想做，去睇姜濤嘅solo演唱會係其中一個！
上一次演唱會係暑假返唔到香港。當有消息佢會12月開演唱會嘅時候，就喺度緊期。因為其實聖誕節係好忙嘅時間，聖誕節一定要同屋企人過！所以終於決定早啲返香港，跟住22號返返嚟同屋企人過聖誕！
今次買飛都好好彩，我晨早已經周圍搵啲幾十年冇聯絡過嘅中學同學，咁啱其中一個可以買到內部飛，所以好感恩可以買到所有埸數。我中學同學話：“嘩，你成幾十年冇搵過我，竟然因為姜濤而搵我” 😬。
我有買演唱會T恤啊，但係可能而家要delay，所以都會着返 FC 會T同埋To Zero T。
因為好耐耐冇返過香港，好期望visit 有咗姜濤嘅香港 😊! 我喺加拿大睇過好多演唱會，但係返香港係第一次睇演唱會！有時間都想去主題餐廳去打吓卡。
我個女係教跳舞嘅，所以我對跳舞都有D要求！好期望阿姜用佢嘅舞蹈, 佢嘅表演，去呈現佢嘅 Lava 主題！ 我好鍾意佢嘅演唱會主題，strength and rebirth!
Super excited about KT’s solo 🥰
Selina - 美國
一直留意亞姜的演唱會日期，當知道是12月中左右，已買定機票返香港。
2023年8月沒回港，是因為孫女開始上學，是她人生的一個重要時刻，不想錯過陪她一起度過。當時看fan cam和直播也很開心，演唱會的blue ray, 更是愛不惜手。當時心裡跟自己說若他再開演唱會，我一定要去看。得知今次的演唱會有中樂參與，更加渴望。因未移民前，我常去大會堂看香港中樂團演奏，對中樂很感興趣。
KLook 對我來說完全陌生，來美31年，未試過自己買演唱會票。為了買票，努力學習，首先入齊所需資料，然後去其他演唱會實習買票過程，跟著選一樣便宜的東西買，確保購買成功。好了，一切準備就緒，開賣前嚴陣以待，怎知結果徒勞無功。不過終於明白到KLook 是怎樣運作和什麼是Chok 飛。幸好女兒和朋友幫我買到！
演唱會日子漸近，網上看到贊助商的票價愈來愈便宜和位置很好。望望自己手上的票，祗有望門輕嘆，隨緣啦！不禁有些懷念團con 時，在L.A. 和紐約，坐最前第一、二行，亞姜就在我面前表演。那時開始體驗到，目光是會不由自主地被他的表演吸引着，眼中祗看到他，而且看後會念念不忘地想再看。
十分期待看亞姜怎樣將中西音樂融合在一起！
Ming - 比利時
我猶豫了很久，才終於下定決心帶兒子到香港看演唱會。今年已經去了香港好幾次 （12月𠮟吒, 4月姜濤灣, 7月探親），為了演唱會特地飛去香港，似乎有些奢侈😅。公司在聖誕至新年期間休假，因此公司規矩十二月不能請假。再加上父親在十一月住院，我也不想在這個時候離開太遠。種種顧慮讓我一直無法做出決定。
雖然姜濤說看演唱會要隨緣，但我明白，有些事若不努力爭取，將來一定會留下遺憾 （萬一姜濤真的30歲退休 🥹）。最終，我成功請到假。當父親聽到我想去旅行時，他並沒有特別的反應，這讓我更確信——我應該帶兒子去完成這件對我們都重要的事。
我告訴自己，孩子正在長大，再過幾年，他或許不會再那麼願意陪著我旅行。如今他如此喜歡姜濤，而我也清楚 : 公司的運作從不會因為少了一個人而停下，但與孩子共同度過的時光，一旦錯過便無法重來。
於是，我決定出發。和兒子一起去看姜濤的演唱會 （4場 ： 23-24-25-26 😅），或許會成為我們最難忘、最珍貴的一個聖誕節。
雖然我已在巴黎見過姜濤3次但沒有很多機會看到他的現場表演。我對演唱會沒有什麼特別期待， 只想聽姜濤唱歌和感受演唱會氣氛。看見我兒子心心眼聽姜濤唱歌， 這是我最大的幸福。
嘉賓方面，如果我能聽到衛蘭和姜濤合唱 “離家出走” 就很美好了 ❤️
Auntie Fanny - 加拿大（Toronto）
我是多倫多，加拿大糖。
今年430已返過香港參加426, 430 events。
知道演唱會的安排，已決定返來看姜濤演唱會without hesitation。這是一個開心的诀定，需然怕買飛買不到，但盼信心決定靠一些有愛心的香港糖買飛，也因著幾位英國糖也為我買到幾埸的飛。
需然過程很緊長，但全程靠著感恩的心和禱告的帶領，平安到達香港，買到的演唱會飛都是安排和恩然接受，不論什何位置，只要是能支持我们閃亮的星，姜濤。能一連七天在亞博看演唱會，好似去左一個大 conference 遇見世界各地的姜糖，有UK, Belgium, Holland, USA, Toronto, Vancouver, Malaysia, Macau, Hong Kong, 欧州糖，澳洲糖as well.
在巴黎時装週到今，已5個月後，又可以再見到姜濤的表演，很其待，願一切平安。
演唱會的tees, 手燈和Hello Kitty Tees, Baby KT 公仔都已買了，十分開心，也能買到Kenzo 姜的牛仔褲，size 剛好。
演唱會的嘉賓希望請 Leon, 衛蘭，or Bosco 牧師，藝人之家牧師。
祝大家享受演唱會，快樂和我们的super star 姜濤一起過2025聖誔節。
Alexisrosecr - 澳州
我係嚟自澳洲嘅糖。
係，今次返香港係為咗睇姜濤演唱會！上一次返香港係四月，嗰時都係為咗姜濤生日而返。
冇猶豫，一直計劃買到飛就會買機票同酒店返嚟。因為上次買唔到Waves演唱會飛所以今次好希望買到飛可以入場睇。
買飛嘅時間就係返緊工，所以都OK 。我有叫我香港朋友幫手，但係結果自己仲快入到去買飛！🤣 都有買到心水嘅日子，但係位置呢啲反而唔係好着緊。因為第一次去Asia Expo睇演唱會，所以對位置唔係好認識。入到去就已經開心。🥰
冇買任何周邊產品，可能會喺現場買手燈同埋T恤。因為冇香港地址所以冇喺網上買。
好想現場聽姜濤表演所有嘅歌曲，但係特別期待睇「鏡中鏡」！第一次聽姜濤唱歌就係今年嘅生日會，所以期望就係演唱會嘅位置睇唔到姜濤都睇到個大電視！
我諗姜濤請得嘅嘉賓都會有驚喜！如果可以見到姜濤同羅志祥同台都會好開心！
對於應援，反而隨緣。
Sugarmill_sugarmill - 澳州
我係澳洲糖。今次是為了姜濤演唱會刻意返香港的，兩年前返香港亦是為了睇姜濤的舞台表演。
自從錯過了2023年的姜濤solo con，已經默默期待佢下次的 solo con, 當知道會12月開，已經知道自己好大機會可以返香港，早早買了一家
口12月初的機票，今次不能再錯過，會一家人入場支持姜濤！
買飛方面，因為香港時間中午12點撞正當地時間下午3點小朋友放學，我要先安排好小朋友接放學，或者接到小朋友就跑返屋企。今次覺得自己算好幸運，有買到四個連位可以一家四口一齊坐，另外亦有香港的糖們幫手買到其他場次，姜家人非常有愛。
一直非常喜歡姜濤的舞台表演，親身睇過的只有《濤》、《黑月》和《Dummy》，今次希望可以睇晒1-19胎的現場表演。
Viola.Mirror - 澳州
我係澳洲Brisbane嘅姜糖，2022離開香港，係遠方繼續支持姜濤。不過我比較幸運，因為工作關係，會不時飛返香港，好彩嘅時候會撞正姜有公開活動，可以再一次見到佢真人。因為咁樣，我有幸見證咗姜幾個重要時刻，包括西九show、Edward嘅作品展、TIMA表演，令我好清楚知道，每一次姜嘅表演都唔可以錯過，因為佢每一次都會有新嘢俾我哋睇。
2023年姜嘅個人演唱會，我快閃4日，4場裡面睇咗3場，好滿足😌。
今年一早已經知道姜會再開solo con，真係好期待！雖然遲遲未公佈確實日期，不過由於12月係澳洲嘅暑假，所以一早已經買咗機票返香港，但我12月19號晚先會到港，一直好擔心會miss咗睇唔到，而家好好彩起碼可以睇到幾場 ☺️。
正式開賣果幾日，真係日日都好緊張，全日都無辦法專心工作 🤫 好幸運有香港嘅🍬朋友幫我搶到飛，位置一般，但係當時諗：入到場都當贏啦～
同時間，我同🍬友都搭通天地線揾內部飛，所以有啲場次仲未知道坐咩位，而家呢刻既期待，又好忐忑不安 😄。
我對於姜嘅solo con好高期望，亦對佢百份百信任，佢做嘅表演，一！定！好！睇！我好期待姜今次點樣去呈現佢過去咁多胎，點樣用演唱會表達佢心中所想 ❤️。
Elma_yanyan - 加拿大 （Toronto)
Je suis bonbon au gingembre canadien 🇨🇦
上次返香港已經係14年前
由一個一向少聽香港流行曲
同少follow香港娛樂圈新聞
到而家早上一起身就上 IG & TG 睇updates嘅我
自己都嚇親自己。
Where’s that motivation coming from 🤔
今次追星之旅由六月時開始
當時香港朋友話12月15號之後開 返唔返？
毫無考慮 “返” 因為直覺上覺得 ”now or never”
今年在姜身上實在發生太多事情
作為fan 心裏面有啲不安
“Is he ok?, Is he gonna be okay?”
但係我好肯定一樣嘢
如果我再唔把握呢次機會睇佢solo concert
“我就真係好唔OK”
買張機票有幾難🤷🏻♀️唔成事咪遲啲用咗佢囉
跟住嘅日子就難啦😑幾時呀？宣布未啊？
點買呀？點攞飛呀？個人都唔喺香港🙄
就係咁等等等 焦慮😖擔心
可以做到啲咩🤦🏼♀️
原來係好多😬
部署 係唔同嘅groups 搜集資料
喺自己Office貼咗張地鐵路線圖
Mark低晒重點地區
圍繞主去嘅地方唔好距離亞博太遠
終於到10月啦 🤷🏻♀️究竟點㗎？乜都未知 🙄
點好呢？已經嬲嬲地啦 😠
仲有乜嘢可以參考呢？Okay 都係同一間公司啫Execution上應該都咁上下
參考其他成員賣飛嘅次序 Omg 😧 係好複雜
原來係咁多rounds 呢個又優先嗰個又優先
全部都唔同平台，從來都冇用過
And the hardest part is READING all the instructions thoroughly and following them correctly
什麼什麼信用卡？冇
什麼什麼平台戶口？冇
什麼什麼積分計劃？冇
有嘅只係耐性😬
到依個時候要調校下自己個expectation
大家入到個系統 fair game
派唔到靚飛唔緊要 睇多場 好位就望多阿姜幾眼
唔好位就享受個舞台效果 好阿Q精神
11月到了
要返工嘅我
弊 🤦🏼♀️ 要半夜起身撲飛
我同香港差13個鐘
個幾日 基本上都係食完晚飯
準備好晒電腦電話 快速瞓吓覺
過幾個鐘就上戰場
雖然係好多同路人都一齊飛返去睇
但係好難夾一齊買
派俾你嘅位置係隨機
自己買自己嗰份 冇怨言
萬一買多咗冇人認頭 麻煩喎
我決定買單位 反正入得場前後左右都係🍬
點會冇人陪？🥰
從未試過咁樣隔山買牛😬
睇住電腦Screen 個counter 真係覺得全身出汗
好似等計時炸彈爆炸咁
動作要快 反應又要快 一去到零就要click落去
在線同其他🍬溝通
你要等幾分鐘 我又幾多分鐘 佢又幾多分鐘
眼手口腦 全方位 on turbo speed
雖然係成功買到，但係位置並唔理想
專登飛返去喎，梗係想坐前啲啦
所以呢個時候🍬🍬🍬🍬之間嘅溝通
同信任 就好重要啦
香港🍬🍬🍬🍬好幫得手
知我專登返嚟盡量幫我做配對👌🏻🫡😉
周邊貨品幫我買 幫我攞 🫡😢 感激感激
點解🍬🍬🍬🍬會咁好嘅
因為大家都有一個共同嘅目標
就係要依個演唱會順順利利，開開心心咁完成
前一排因為有啲不可抗力嘅原因
演唱會喺宣傳產品同周邊都改晒design
原先對演唱會某啲expectation都會有所調整😞
唔緊要，對阿姜好有信心
我更希望嘅係佢會見到我哋啲海外🍬🍬🍬🍬
盡量爲我地爭取海外表演機會
俾返個機會我地做東道主
回饋返香港嘅🍬🍬🍬🍬家人
kt_au_nature_candy - 澳州
大家好！我是澳洲糖 Wendy 。早在今年有非官方消息傳出，姜今年年尾有個人演唱會時，我已非常期待年尾回香港，但奈何回香港一次，對海外糖的我來說，並不是簡單的事。
望着距離年尾的日子一日一日的迫近，而回港機票價格就一日一日的上升，感到回港的希望一日一日的渺茫。正當我以為一切不可能時，奇妙的事就發生了。因為我在香港的家人健康有變化，在其他家人的協助下，我終於可以年尾回港，一個我闊別了六年的香港。
買了機票後，揾姜濤Solo Concert 門票成了我其中一個重要姜務。每一次門票發售時間，我都是上班中，感謝很多澳洲糖愛心幫助搶門票，令我可以安心上班，並買到我心水的場次。
接着就是買新Mirror 手燈(成功買到)和演唱會官方應援品。因為我遲了訂購，網上預售已截止，所以只可以靜待23/12現場買現貨了，希望到時能順利買到。
隨着姜濤Solo Concert 開始的日子越來越近，我的心情就越來緊張和興奮，不竟今日是我入坑五年後，第一次見到姜的真人，真是擔心自己到時緊張過度，腦海會一片空白(但已有糖叫我不用擔心，一定會！哈哈！😅)，錯過了重要時刻！無論結果如何，我相信一切的記憶，最終也是美好和難忘的。🥰❤️
如果問我對今次 《Keung To Lava Live 2025》 有什麼期望，我期望可以和現場糖一齊接生姜多幾胎新歌，同時也可以聽到《岩巉》的首次唱live，如果能遇上姜再次唱《Dear My Friend 》，我就真係無憾了。同時，期望在演唱會之外，參與到KSHKFC 的大合照，以及可以與世界各地的姜家人相認，也是我今次回港的期望。
最後，預祝姜濤演唱會一切平安順利！GOOD SHOW ! 👍👍👍 每位睇演唱會的姜家人和觀眾，也能滿載而歸！🥰🥰🥰
走過世界各地姜糖的分享，有感而發：這場《姜濤 2025 LAVA 演唱會》遠遠不只是一個演出，而是一段串連著思念、勇氣與愛的旅程。有人跋山涉水、有人克服現實困難、有人在家庭與夢想之間艱難取捨；但他們最後都選擇追隨心中最真摯的感動，來到香港，只為親眼見證屬於姜濤、也屬於自己的那份火光。
每一位海外姜糖，都帶著不同的故事回家；而這些跨越時區、城市與生活責任的努力，最終在亞博匯聚成同一束光。LAVA 所象徵的「重生、力量與燃亮」並非只在舞台上，而是在粉絲們的行動裡、堅持裡、愛裡。
演唱會即將開始，期待與忐忑交織，興奮與感動並存。無論是看幾場、坐在哪一個位置，大家都已經用自己的方式參與了這場奇蹟。
願每位姜糖都能在現場找到答案、力量和被理解的溫度；願這個十二月，成為你們記憶中最燦爛的一頁。
姜濤，我哋準備好啦。
LAVA，一起燃亮。
2025年 12 月12 日
Ming 💗
留言