GQ潮流文化祭2025 - 糖糖分享參與體驗
- Ming CHU
- 2025年9月3日
- 讀畢需時 6 分鐘
已更新：2025年9月4日
2025年9月4日 - 糖糖接受阿Ming訪問
1/當你知道姜濤被邀請到台灣GQ潮流文化祭，你有什麼反應？你有聽過活動嗎？知道是什麼的一回事？
我知道姜濤被邀請我當然好開心啦 ！原先我係以為佢係收到一個品牌（Burberry) 嘅邀請，去做一個event 嘅開幕，點知原來係一個潮流文化祭嘅一個表演嘅show。
2/你是否馬上決定去台灣支持姜濤呢？還是有猶疑呢 ？
當然！任何一個event我都會去台灣支持佢。 就好似兩年前，我哋去到台北，去“我的天堂城市”嘅首映發佈會，當時係我一個人去 好開心！
我本身想去外地支持阿姜 。上一次係首次嘅電影， 今次係首次唱歌表演。去到嘅話我會一定去 ！
3/你怎樣安排你的行程呢？可以分享買入場票的經歷嗎 ？
我冇猶疑過架 ！只要我去到我都會去。
當我知道有得買飛嘅時候，我已經即刻買飛，但好可惜都買唔到vip飛。 最後我都買咗幾張普通嘅飛，叫埋啲姜糖朋友一齊去。
今次我有幫人哋買飛之餘，我就拉埋我一個熟嘅姜糖朋友一齊去 ： “去啦！ 買咗飛先啦！ 啲機票同酒店再諗啦 ！”
買咗飛之後，就諗吓去幾多日囉 。Book機票 ，酒店就好順利。 我仲住返兩年前，我去我的天堂城市首映支持姜濤嗰間酒店。 因為上次好good trip，好好嘅 experience，所以住返同一間酒店。
4/可以分享當天入場的經歷嗎 ？
今次睇到個floor plan ，其實場地唔係好大。 vip個area好似大啲，普通飛就細啲。但其實vip飛應該係少量啲，咁普通飛又多啲喎，咁就好擔心啦！ 又驚塞爆呀 ！
由於佢係free standing嘅位，咁就好似先到先得咁就去排隊。我同其他糖就神早去排了。我哋一團人凌晨四點幾就開始去排隊了 ！我哋輪流去排隊，都排到較前嘅位置嘅 。一點鐘先開始，但大會安排得唔錯嘅。 姜糖都好有秩序，排隊嗰時傾吓計咁，時間就過得好快了！
不過當日初初排嘅時侯係戶外，咁天氣都熱啦，同埋真係烈日當空。咁我哋就擔遮 、飲水、吹風扇咁囉。然後到室內排隊，再入去室內場館。
5/去到活動場地有什麼感覺？ 香港/澳門有類似的活動嗎？
同香港澳門嘅感覺唔似，因為今次真係好開心呀！一入到去嘅時候，其實個場地係好細但係好cozy ！
原先我諗佢個活動係冇預計有咁多人架 ，同埋係預計人哋問吓嘢飲、買吓嘢食、chill吓咁，就唔係好似平時我哋等啊姜嘅活動咁啦。
但大家都想好近距離見到阿姜嘅表演演出，所以就好早去排隊，希望越企越前啦 !
台灣嗰個活動主辦就會覺得好新鮮 ： “嘩！ 乜你哋會咁早排隊呀！”
©Keung_show IG
6/場地看似一個大型倉庫 你覺得和姜濤在香港/澳門一般會出席的活動有什麼分別？
嗰個地方好細呀 ！佢表演嘅時候，真係好似返去以前咁樣 。因為阿姜第一首唱嘅歌係 “愛情簽證申請“ ，咁呢首歌都係較早期少少 ，好似一個mini concert 。個台又唔係好大 ，對於我一個唔係好早入坑或者係冇睇過阿姜一啲細嘅show， 就會覺得呢個機會好難得呀 ！
7/有沒有想過姜濤會唱那幾首歌曲呢？
阿姜唱咗第二首歌就係當時未發佈嘅 “流浪星球“ ，好好聽啦！
然後第三首就係“Every single time"。
其實係唱咗三首歌嘅，但就好近距離見到阿姜!
個表演好好呀！好順暢，好開心，好愉快，所以大家都好開心囉。
我覺得佢比起上次"我的天堂城市"，佢冇咁緊張嘅 。可能上次佢要連同其他演員去宣傳電影，就可能會緊張啲。
佢今次表演係面對香港姜糖、台灣姜糖、又或者真係有一啲人係唔認識阿姜，佢地只不過係參與嗰個活動。 因為當日嘅活動係有DJ去打碟，然後有啊姜嘅表演， 亦有其他DJ打碟，同埋其他歌手嘅表演嘅 。買咗一張vip飛，係可以當日睇晒全部嘅表演。有啲人都會好奇睇吓啊姜，所以都幾特別。
8/當你看到姜濤的IG story告訴大家他將會在台灣第一次獻唱他的第19歌曲你有什麼感覺？
當我哋排緊隊既時候，見到阿姜嘅IG Story，話異地接生就好興奮開心啦 !
9/你有想過是一首國語情歌嗎？
其實都估到佢會係台灣唱新嘅國語歌。 首歌好好聽 ！一聽就鍾意，但佢又冇講比我哋聽個歌名喎，等我哋估，好好笑囉 。估咗兩日先至發佈，呢個感覺都幾特別。
佢有暗示過係國語情歌，但出奇地比預料好聽囉！呢個真係bonus 好好！
10/你是第一次近距離見到姜濤嗎 ？ 你見到他的時候心情是怎麼樣？
我唔係第一次近距離見到阿姜 。當然，每一次見到佢都係開心啦！ 同埋每次佢係我隔離行過，我都係會呆咗，唔知咩嘢反應，個世界好似靜咗。我就好似一個傻人，眼金金咁望住佢。
11/你覺得姜濤當天的打扮好看嗎？
啊姜當日嘅打扮緊係靚啦 ！因為佢著咗一件Burberry嘅短褸， 個設計好特別，係有別以往Burberry嘅褸 。髮色好特別啦 ！好似當日個主持人咁講阿姜係自帶光芒。
12/當天他獻唱了三首歌曲 你覺得他的表現如何？ 你喜歡他的新歌曲嗎？當時的第一感覺是什麼？
阿姜表演咗三首歌，真係好好嘅。因為佢好淡定啦，完全feel唔到佢緊張，就係好開心咁去唱歌。
鍾意佢首新歌呀！第一個感覺係有啲虐心囉，但亦都係一首好好聽嘅情歌。
13/姜濤表演完結後有沒有其他活動？
阿姜表演完就去咗隔離嗰個倉庫Burberry嘅booth食雪糕 。我都有去睇，但我就唔係近佢嗰個位置。佢走嘅時候經過門口，嗰時我就近距離見到佢，之後就送咗佢上車 。目送佢上車後我哋就去咗影大合照了。
14/你有沒有品嚐台灣美食？
我帶咗另一個糖，去食一間阿姜之前有去過食嘅牛肉麵。 去咗寧夏夜市九龍商店打卡。 我哋一路上都見到姜糖， 大家都好開心打招呼。
有姜糖報料話大稻埕放煙花，所以我哋仲去咗睇煙花，好似一個好好嘅慶祝，過咗一個開心嘅星期六！
15/你覺得這一行值得嗎 ？
呢次當然值得啦 ！係一個好特別嘅表演。 我哋上個禮拜先睇完TIMA，啊姜係一個咁大嘅舞台表演， 之後一個禮拜啊姜又去咗一個咁細嘅舞台表演 ，都係唔同嘅風格，各有各好睇 ！ 證明阿姜唔係咁單一係好多樣化，咁好開心啦！
雖然我買唔到vip 區域，但我哋所有糖都睇得好開心！ 因為阿姜臨出場之前，佢路過一個booth做訪問，係正我哋平民區嘅中間，令到好多糖都可以近距離見到佢。個訪問都有5至10分鐘架，就算我哋企得後睇唔到個舞台，佢做訪問嗰時都可以睇到佢。或者去Burberry雪糕booth嗰度或者送佢上車都可以近距見到啊姜，所以就覺得好開心囉！
我個姜糖朋友都覺得不枉此行。仲多謝我鼓勵佢 ：「買咗飛先算啦 ！張飛真係好平。港幣183蚊，完全係unbelievable ，好似戲飛咁嘅價錢，唔去先算啦 ！」咁連埋酒店機票都唔算好貴嘅 。
©gqtaiwan IG : 姜濤訪問
©Keung_show IG : 姜濤訪問
16/你有沒有什麼想補充？
好多人都會問我，其實你想唔想啊姜認得你呀 ？其實，我係唔會想啊姜認得我嗰種糖。
我係鍾意默默咁支持佢，所以我都係唔想去出名呀！我亦都冇一個小號去promote佢。但我有係我嘅私人社交平台去share佢啲嘢啦。咁就令到我身邊嘅朋友都知道我鍾意佢。 認識我嘅朋友都想去了解點解我咁鍾意佢。 呢個都係一個唔同嘅方式 。有啲人追星就唔想被人知道但我就唔介意。
再次多謝糖糖接受訪問和提供影片 😘
留言